05 Dec 2013

الريادية هاجر محي: أنا هقدر

 

انا هقدر

اسمى هاجر كليه حاسبات ومعلومات جامعه حلوان فكرت كتير اكتب ايه لقيت نفسى بكتب عن جمله على طول بقولها بس مكنتش فاهمه

 معناها الصح  هى ايه بسم الله الرحمن الرحيم”لا يكلف الله نفسا الا وسعها” على طول لما كنت عايزه اتهرب من حاجه او مش عايزه اتعب نفسى على طول اقول لا يكلف الله نفسا الا وسعها لما خلصت ثانويه عامه بمجموع  ودخلت الكليه طبعا كل ما اقول لحد انى دخلت كليه حاسبات ومعلومات يقولى(ليه كده يا بنتى دخلتى معهد كنتى دخلتى تجاره وخلاص,ايه دا اها انا برضوا بنت عمتى دخلت المعهد ) فطبعا مكنتش بحاول اغير فكرتهم لانى مهما قولت هيقولوا بتقول كده بس علشان تحسس نفسها انها بقى مهندسه

 انا بحكى دا كله ليه علشان الايه كانت جزء كبير من حياتى علشان كده لازم احكى قبل ما افهمها كانت حياتى عامله ازاى وبعد كده بقت عامله ازاى طيب نكمل

دخلت الكليه فى سنه اولى كنت عادى الجامعه بالنسبه ليا خروجه كنت بذاكر بس علشان اكون عملت اللى عليا .

انا شخصيه نشطه جدا لكن بمزاجى يعنى لما كنت بحب اذاكر الماده وافهمها بتعب علشان افهمها وبذاكرها ومش بتعب من المذاكره فستغربت نفسى ازاى انا بقدر اذاكر 3 ساعات فى حين انى ممكن onlinegambling2014 اذاكر ساعه واتعب وكمان كنت متطوعه فى انشطه كتير فى الكليه وخارج الكليه يعنى انا اقدر اعمل حاجات كتير .

لحد لما حضرت محاضره تنميه بشريه الدكتوره شرحت الايه بطريقه بجد غيرت حياتى كلها الشرح ايه بقى ان كل انسان يشوف هو بيقدر يعمل ايه عمل الحاجه دى يبقى لسه فى وسع انه يعمل حاجات تانيه يعنى مش معنا انى اقدرت اذاكر 3 ساعات يبقى خلاص دا وسعى لا وسعك انك يكون مش قادر تعمل حاجه لان ربنا خلق الانسان وهو عارف هيعمل ايه وايه لازمته فى الحياه يعنى مش اقول انا مش هقدر اعمل دا لا كل واحد فينا يقدر يعمل كل حاجه بس لو عرف قدر نفسه .

لما عرفت دا كتفسير للايه بقيت اى حاجه اعملها مبقولش بقى خلاص كده دا وسعى لا بقول انا اقدر اعمل اكتر من كده بس برضوا لسه مش عارفه اتعامل على انى هقدر اعمل كل حاجه  .