05 Dec 2013

الريادي محمد وجيه, تجربتي مع الأنشطة الطلابية

انا اسمى محمد وجية مصطفى محمد و عندى من العمر 20 سنة و فى السنة الثانية فى كلية التجارة و ادارة الاعمال فى جامعة حلوان و طبعا كأى حد كان موضوع الانشطة الطلابية دى شاددنى لانى كنت بشوف فيهم مجالات غريبة لانى معرفتش موضوع التطوع الا ايام رسالة و دى كانت بسيطة لانى مشاركتى كانت قليلة فدخلت فى نشاط صغير و بحكم انى مصور كنت بدور على اى حاجة تربط نشاطى كمصور بالشغل فى النشاط اللى كنت فيه و ملقتش غير انى اكون جبهة اعلامية و طبعا لضعف الامكانيات فى حلوان و لضعف مستوى الانشطة فى حلوان ده كان شئ جديد و انتشر الحمدلله موضوع الجبهة الاعلامية و بقى موجود فى كل فريق فى الجامعة و بدأت اعرف عن الانشطة التابعة للمؤسسات الكبيرة زى Enactus و MOIC و AISEC و IEEE و هكذا و منهم اللى كان موجود فى الجامعة و ضعيف و منهم اللى كان بره فى جامعة القاهرة بدأت الاشتراك فيهم واحد تلو الاخر و غيرت من نشاطى من مجرد مصور و موثق للاعمال الخاصة بالنشاط لمصمم جرافيك من اللى كنت بتعلمه و منها دخلت فى الانشطة وظيفة مقدم الاعلانات و هى انى ربطت الجبهة الاعلامية فى النشاط بالعلاقات العامة و لكن كنت بنظم فيها الاعلانات اللى بتم للنشاط عند الطرف الاخر و العكس و كمان اده كان موجود للبعض و لكن حلوان كانت مفتقرة لحاجة زى كده و بالتالى كانت جديدة
اتممت سنتى الاولى فى الجامعة و انا عضو نشط فى 6 انشطة طلابية داخل الجامعة و 3 خارجها و بدأت سنتى الثانية و انا بفكر فى التطوير فى الموضوع ده
حصلت خلافات مع الكثير من الانشطة اللى كنت معاهم لمشكلة الاحتكار فبعض الانشطة كانت تتطلب احتكارى كعضو فيها و انا كنت رافض ده تماما و من هنا كانت بذرة التفكير فى نشاط طلابى متخصص فى الجانب الاعلامى و الدعاية و الاعلان و بدأت اجمع اللى اعرفهم فى هذا المجال و بدأنا التخطيط على مدار فصل دراسى كامل و بدأنا التجربة فى الاجازة الشتوية و بدأ التسجيل الرسمى فى الجامعة مع بدأية الفصل الدراسى الثانى و واجهتنا مشاكل كتير زى اعتبار الادارة الجامعية اننا نشاط بنتعامل بفلوس و اعتبار الفرق الموجودة معانا فى الجامعة اننا نشابهم فى نفس نشاطهم حيث ان الانشطة دى نشاطها الاساسى هو كورسات تسويق و تنمية بشرية لا اكثر ولا اقل و طبعا لضعف الجانب الاعلامى بيكون معظم الدعاية عندهم ضعيفة
و من هنا بدأنا حملة الوعى عن نشاط الفريق بين الطلبة و بين الفرق دى فى حملة طلب اعضاء هدفها الاساسى نشر فكرة الفريق و كانت الاستجابة كويسة و ساعدنا اربعة انشطة فى حملة الدعاية بتاعتهم كمثال بسيط و بعديها بدأنا الاعلان عن اول ورشة لينا فى ريادة الاعمال و دور الاعلان فيها و لكن الموضوع فشل لبعض الامور القانونية فى الادارة الجامعية
و لكن عوضناها عن الطريق التدريس اونلاين و استمرت 4 ايام و بمعدل محاضرة يوميا و الحمدلله حقق نجاح متوسط
و مازلنا شغالين