05 Dec 2013

الريادي محمد حسام

 

 

انا اسمى محمد حسام الدين .. طالب فى اكاديمية الشروق قسم عمارة .. انا ان شاء الله داخل سنة رابعة .. بدئت نظرتى للحياة تختلف فى اول سنة ليا فى عمارة لما بدات اعرف يعنى ايه شغل جماعى و ده خلانى اهتم بالانشطة الطلابية كمان… انا اول ما دخلت الكلية مكنتش مهتم باى حاجة كنت بقول اهو خمس سنين و هيخلصوا .. بس لما دخلت
عمارة ابتديت اهتم بالدراسة و اكتشفت انى بحب فن العمارة كمان

… العمارة فن يخليك تحبه .. يا سلام كده و انت قاعد تصمم فى مشروع و بتسمع المازيكا اللى بتحبها .. عالم تانى .. او لما تدرس العمارة فى العصور القديمة فى مصر و تعرف قد ايه احنا عندنا حضارة عريقة لازم نفخر بيها كلنا .. باختصار العمارة اضافت ليا كتير

و لما كمان بدات اهتم بالانشطة الطلابية و اشترك فيها وا عرف عنها .. ابتديت احس ان كنت فاهم الدنيا غلط خاااالص .. ابتديت استفيد كتير و اغير حاجات كتير فى حياتى للاحسن .. و كنت بحس بساعدة كبيرة فى شغل النشطة الطلابية و خاصة ” ADD+ ” .. كنت مبسوط اوى انى بساعد زمايلى و كنت بحاول على قد ما اقدر انى اغير منهم للاحسن زى ما فى ناس ساعدتنى

و عشان كده انا عاوز اشارك فى ريادى .. عاوز اعرف اكتر و ازود من خبراتى البسيطة فى مجال الانشطة الطلابية