05 Dec 2013

الريادي مصطفي مجدي, نقطة تحول

نقطة تحول

     بعتبر اول interview ليا ده نقطة تحول فى حياتى قبل ما اتكلم عليه احب اعرفكو بنفسى الاول
اسمى مصطفى مجدى طالع رابعة عمارة اكاديمية الشروق اخذت الثانوية “العمية” من السعودية و دى كانت المشكلة !!!؟

 دماغى وقفت سنتين عن التفكير لان المواد سهله و الامتحانات مباشره , نزلت مصر و انا جايب 99.5% وعندى مشكلتين
– ال English  بتاعى ضعيف جدا لان بقالى سنتين باخد verb to be ويوم ماعليت اخذت قاعدة If 😐
– انى بقيت مش اجتماعى بسبب انى كنت فى عزله عن المجتمع السعودى لانه غير مُحب للمصريين

النشاط الطلابى كان بيمثلى ايه فى الاول !!!!؟

     كانت كل فكرتى عن النشاط الطلابى انها اسر وبطلع رحلات وانها ناس فاضيه ومش لاقيه حاجه تعملها
لغايه لما جيه يوم ناس اتكلمو معنا عن نشاط بيعملوه انا طبعا بعدت لان الناس دى فاكس بالنسبالى ,
لاقيت اصحابى بيملو ورقة وادونى ورقه املاها بيانات و الناس اللى تابع النشاط قالولنا يلا هتعملو interview

ال interview :

      بدأ ال interview وانا مش عارف هم بيعملو ايه اصلا ولا هنتكلم فى ايه و كان كده بالظبط

– ال interview هيبقى 20 دقيقه و الموبيل silent و الاسئله اللى بال English هتجاوب عليه بال English
– انا طبعا معرفش فى ال English غير verb to be قولتيلو انا بصراحه مش قوى فى ال English
– قالى هى هتبقى اسئله سهله يعنى  introduce yourself
– انا ساكت فكره بيكمل الجمله اللى فاتت
–  introduce yourself ؟
– انا “فى سرى ده باينه سؤال ولا ايه ”  قولتله لا مش عارف
– قالى تمام عرف نفسك
– قولتلو على اسمى و انا فى سنه كام بس
– سألنى كام سؤال كده و انا جودت طبعا
– فى الاخر قولتلو لو عايز اى حاجه انا جنبكو اجى اساعد فى اى حاجه
– قالى انشاءالله فى اى سؤال عايز تسأله قلتلو لا شكرا ومشيت

كل اللى عملته ده وكنت مستنى اتقبل……..!!!!؟ لكن النتيجه كانت rejected و فى من اصحابى accepted

اثر ال interview

       كل اللى كان فارق معايا سعتها انى rejected من interview لنشاط طلابى وكنت بالمستوى ده
امال لما اروح interview لشغل هعمل ايه !!!!!؟
و لما اصحابى بدأو ال workshop وكل session بيبقو فرحانين عن اللى قبلها ومش عايزين ال workshop تخلص
ولما خلصت حَسيت بفرق كبير فى طريقة تفكرهم و اهتمامتهم عرفت فى الوقت ده اهمية النشاط الطلابى وحَسيت
انى فاتنى كتير

طيب و ايه الحل …!!!!؟

      قررت انى اتغير و اصحابى ساعدونى على ده وقالولى فكرة عامة عن ال workshop اللى خدوها
وكل حاجه بيحضروها كنت بروح معاهم طيب واتعلمت ايه .. !!!!؟ اتعلمت

                – how to make interview

                – presentation skills

                – Best Fit

                – حضرت seminars فى meca

                – دخلت مسابقه ” Injaz “

                –  social matrix

   قررت ادخل نشاط طلابى واخترت +ADD اللى رفضونى فى اول interview  بس كان سبب تغيرى

ADD+ student activity

      قدمت فى ال media committee الحاجه اللى بحبها وشايف انى هاضيف فيها

  وعملت ال interview وكان معظم الاسئله انا عارفها و عارف هو عايز يوصل ل ايه و ادونى task عشان اعمله

  عملته و سلمته و كلمونى قالولى انى accepted

  عملنا General meeting واخدنا training فكرة عامه عن ال marketing و fundraising و social matrix
وبدأنا نحضر لل workshops

مشاكل فى ال Team Work

   – اكبر مشكله واجهتنا فى ال committee ان احنا مخدناش training فى ال media ومكنش ينفع عشان ضيق الوقت
الحل كان اننا جزء يطلع افكار وجزء ينفذ
– عدم الاتفاق على تصميم ودائما يوجد اكثر من رأى الحل كان باننا بنعمل voting او رأى ال head بيمشى
–  ضياع وقت كبير فى تصميمات لم تنشر

ماذا بعد .. !!!!؟

    – مقتنع ان انا كل ده لسه تحت الصفر و كل يوم بندم اكتر على السنين اللى ضاعت من غير اى فايده بس الحمدلله طبعا
– بسعى انى ازود معلوماتى وخبرتى واحقق هدفى انشاء الله و ان خلاص مفيش وقت تانى فاضل عشان اضيعه