05 Dec 2013

الريادي محمد مجدي

 

انا اسمي محمد مجدي منير , طالب بقسم هندسه القوي و الالات باكاديميه الشروق , محافظه القاهره  , لسه مخلص ثالثه و طالع بكالريوس . اول لما دخلت الجامعه مكتتش اعرف يعني ايه نشاط طلابي و كنت فاهم الدنيا غلط خالص وعايش حياتي و خلاص شويه علي القهوة و خروج كتير و خلاص و اهو الوقت بيعدي . و مرت اول سنه ( اعدادي هندسه ) في الكليه بتقدير عام جيد و كنت ولا مدايق ولا فرحان كفايه أني كسرت حاجز الملل اللي في ثانويه عامه , و هكذا كملت السنه اللي بعديها ( أولي قوي ) علي نفس الرتم و جبت تقدير جيد بردو .

اول سنه اتعرفت فيها علي الانشطه الطلابيه كانت في سنه ( ثانيه قوي ) و كان عن طريق اول نشاط طلابي عندنا في الجامعه كلها و هو “ADD+  ” و واحد صحبي كان ال HR HEAD ” ” ساعتها و فهمني الموضوع و عرفني يعني ايه النشاط الطلابي و كانوا ساعتها لسا بيعملوا ”  ” members recruitment و قمت قدت ك ” HR Member” ساعتها و روحت في وقت الانترفيو و كنت فاكر ان انا اللي مفيش زيي و لازم هتقبل علشان غير كده هما هيخسرو واحد زيي المهم روحت الانترفيو و كنت بقول كلام انا نفسي مش مقتنع بيه حاليا و كنت فاهم الدنيا غلط تماما , المهم عرفت في الاخر انيRejected ”  ” و كانت اول صدمه ليا .

بعد فتره كان في recruitment for participants ” ” و قولت عادي و قدمت تاني في ” workshop ” اسمها ” master keys ” و نجحت في ال ” 1^st phase ” انترفيو و للاسف معدتش من ال ” 2^nd phase ” انترفيو و دي كانت اكبر صدمه ليا لان في ناس كتير اوي مش هاممها و ولا في دماغها و كانوا ” accepted ” و انا كنت ” rejected ” . المهم زعلت فتره كبيره و كنت متدايق جدا بس ميأستش علشان حاجه واحده بس و هيا ” the Good image ” اللي اتسابتلي عن ” ADD ” بعد الانترفيو و دا اللي اغلب الناس بقت بتهملوا دلوقتي في الانترفيو .

و من هنا ابتدت رحلتي مع الانشطه الطلابيه ابتديت اقعد مع الناس اللي بيشاركوا في ال ” workshop ” و اخليهم يشرحولي ال ” material” لحد لما لميت بيها و مش بس كدة انا بعدها اخدت ال ” slides ” و قعدت اشرح لناس تانيه علشان يستفادوا وكنت اقتنعت بالمقوله ” if you care you must share ” . مش كده و بس لا روحت رساله و شاركت في workshop: HR management of companies ” ” و اخدت شهاده فيها . و شاركت بعدها في ” sessions & training ” تانيه كتير في كذا مجال .

و اكتشفت ان الانشطه الطلابيه ليها فوايد كتير منها توسيع المدارك و توفير الوقت و ابتديت في قرايه الكتب و ابتديت انظم وقتي و اهتم بدراستي و كانت المفاجئه الكبري ان اول سنه اشارك فيها في الانشطه الطلابيه كانت اول سنه اجيب فيها ” امتياز ” . و لما طلعت ثالثه قوي قدمت في نفس النشاط ده تاني في ” HR members recruitment ” و الحمد لله كنت الوحيد اللي اتقبلت من غير انترفيو و من مجرد اني مليت ال ” application ” و بقيت “member” في “ADD”  :] , مع العلم أني في ثالثه بردو جبت امتياز الحمدلله .

العمل الجماعي متعه بس لو كان منظم و لو التزم كل واحد بال” task ” بتاعو و اتقسم الشغل علي ال ” committees ” المختلفه . و اسباب تعطيل العمل الجماعي هو عدم التعاون في بعض الاحيان و احيانا يكون في سوء توزيع المهام . و لكن من فوائد العمل الجماعي هو تحقيق نتائج مهوله بمعني كلمه مهوله في وقت اقل بكتير من العمل الفردي .

و اخيرا المشكله المنتشره في الاعمال الجماعيه و اللي كنت بلاحظها و انا بعمل انترفيو و هي ” ازاي الناس بتستقبل الاوامر ” او ال ” tasks ” , و ذي ما شخصيات البشر مختلفه فكذلك استقبالهم للاوامر مختلف . في بعض الناس معندهاش مشكله خالص في كده و دول في الاغلب متعودين علي كده , و في اللي احيانا بيحس انها بتدايقه لما بتكون قصاد حد و ده شخص متجاوب بس لازم اراعيه , و في شخص اخر لا يقبل ان ياخد اوامر من حد ابدا و هنا بيكون في اغلب المشاكل و حلها الوحيد لو اعطيتله الاوامر في صوره نصيه او سؤال او انه هيكون ده الشيء المفضل للقيام بالمهمه .