05 Dec 2013

الريادية نورهان العبد, انت مين وازاي وفين وامتي

في وقت من الاوقات اكيد سألت نفسك الأسئلة دي وغالبا بعد ما بتعيش اي تجربة جديدة ثانوية عامة, كلية,
عمل جديد وغيره, يمكن كنت متحمس للمكان في الاول بس بعد كدة توهت واكتشفت ان دي مش حياتك
وان دا مش اللي انت عاوزه, فكرة ان يكون عندك حلم من غير اساس او يكون ليك مثل اعلي لمجرد انه
معروف او محبوب فكرة في الاغلب بتضلك عن حقيقة نفسك وحقيقة احلامك.

ازاي تقدر تعرف فعلا انت عاوز ايه وازاي تنجح فيه, في رأيي الموضوع دا بيتلخص في اربع خطوات,
الخطوة الاولي منها انك ” تتحرك ” , تتحرك عشان تقدر تعرف نفسك تعرف مميزاتك وعيوبك تعرف انت
بتكون مبسوط امتي وبتلاقي نفسك فين وتعرف انت فعلا عاوز توصل لأيه, استغل اي فرصة تيجي قدامك
روح اشترك في نشاط طلابي واعرف كل واحد فيهم بيعمل ايه واشتغل معاه, روح احضر محاضرة في
كلية اخري او قسم اخر واعرف هما بيدرسوا ايه, روح اعمل خير, العب رياضة جديدة, اشتغل مع حد من
قرايبك, اقرأ كتب, اتعلم حاجة جديدة شوف العالم علي النت لحد ما توصل لأجابات علي كل الاسئلة دي.

الخطوة الثانية هي ازاي هنجح ؟!, ناس كتير بتفتكر ان الناس بتنجح عشان عندها يا اما خطة متخرش المية
او محظوظين وعندهم قدرات جبارة, الموضوع مختلف تماما خلطة النجاح السحرية بتتلخص في ”
الاصرار “, الاصرار هو اللي بيعمل الخطة العبقرية وبيعمل البدائل من أ ل ي في اسوء الظروف وباقل
الامكانيات والقدرات, تخيل كدة انك بعيد عن بيتك بحوالي 02 كيلو ولا يوجد معك فلوس ولا موبيل,
اختيار انك تقعد او تنام في الشارع دا اختيار مرفوض بالنسبالك وهتفكر في مليون طريقة تروحك البيت
حتي لو متعبة.

الخطوة الثالثة “لا ترضي بالقليل” , ولا تستمر بفعل اشياء انت لا تريدها, لا تذهب لكي تعمل في اي مكان
يأخد من وقتك ومجهودك بدون فائدة خليك عاطل وطور نفسك احسن او ابدأ انت طريقك بنفسك, حدد
معايير لكل خطوة تنوي القيام بها ولا تتنازل عنها بل فكر ازاي تحقق هذه المعايير وهتوصل اسرع مما
كنت تتخيل.

الخطوة الرابعة تتعلق بالتعامل مع ربنا والتعامل مع الناس, العلاقات سواء علاقتك بربنا او بناس كتير
بتختصر كتير جدا في الوقت والمجهود لذلك المحافظة علي الاخلاق واخلاص النية في كل شئ حتي لو دا
هيخليك مختلف او احيانا نتائجه بتكون بعيدة الا ان علي المدي الطويل له تأثير ناجح جدا.

واخيرا تأمل معظم قصص الانبياء وبعض الناجحين مثل غاندي وابراهام لينكولن وغيرهم هتلاقي ان
باصرارهم وبأخلاقهم وبصبرهم قدروا ينجحوا في تحقيق اهدافهم حتي لو بعد سنوات.
شكرا