05 Dec 2013
الريادي مصطفي عبد اللطيف, تجربتي في الأنشطة الطلابية
انا اسمى مصطفى عبد اللطيف , من محافظة اسيوط , طالب فى اولى هندسة جامعة اسيوط ..
السنة دى كانت اول سنة ليا فى الكلية او فى الجامعة عموما ..الحمد لله انا كنت بشترك فى الانشطة الطلابية
فى المراحل المختلفة قبل الكلية من اتحاد طلاب و انشطة تنموية و خيرية و غيرها ……
بس كل دى حمادة و الى حصل بعد 3 ث و فى الجامعة حمادة تانى خاااااااااااااالص ……
هكلمكم عن الانشطة الطلابية فى جامعة اسيوط او فى الصعيد بقى ………..
التحول الاول
هحكلكم حاجة كدة على السريع بعد 3ث فى الاجازة الكبيرة تم الاعلان عن مبادرة الEyouth
و دة الينك للى مش يعرفها … http://www.facebook.com/EYouthEgypt
اتقدمت فى الاول كمشارك فى المعسكر او متدرب و مش اتقبلت و بعدين قدمت فى التنظيم
و اتقبلت كfacilitator المهم يعنى انى اتقبلت و كان عندنا تدريب فى السفارة الامريكية و بعدها كان المعسكر
و اتعرفت على ناس من كل المحافظات و اتعاملت مع عادات و تقاليد مختلفة و استفد منها كتير …..
التحول الثانى
لما رجعت اسيوط و دخلت الكلية اندهشت بقى ..كنت فاكر انى هلاقى الكلية نسخة من الى شوفتة فى القاهرة
وان عالم الكلية و الجامعة بقى مختلف فى كل حاجة المذاكرة و التعامل و الانشطة و كدة …
لكن للاسف اتصدمت بالنظام التعلميى الى بيعتمد على الحفظ زي الثانوية العامة و ممكن اكتر
قلت مش مهم نشوف الانشطة و بعدين الدراسة هنتعامل فيها يعنى مش حوار …….
الانشطة ….
الانشطة عندنا فى الصعيد بتنقسم لحاجتين
1- اتحاد الطلاب
و دة اغلب شغلة تقليدى و قديم و يرفض التطوير على الاطلاق مثال كدة (اللجنة الاجتماعية فى الكلية عندنا الى مطلوب منها السنة كلها انها تعمل حفلة للايتام فى يوم اليتيم و تعمل دورة شطرنج فى الكلية و دمتم على كدة ….)
و قيس على كدة بقى كتير طبعا دة بيقيد الحريات فى انك ممكن تبدع و تعمل نشاط طلابى بيساعد على الابداع و التفكير
2- الاسر
الاسر نوعا ما فيها حرية فى اختيار الانشطة لكن بردة مش حرية مطلقة ابدا ابدا ابدا …
مثال ( لما تيجى تعمل حفلة ممكن تعملها و كل حاجة بس ممنوع تستخدم دى جى ..تعمل النشاط بتاعك بعد انتهاء السكاشن على 4 كدة و اكيد دة انسب معاد هتلاقى الطلاب بيجروا علشان يشاركوا فى النشاط …:) )
الحلول …
الصورة مش معتمة للدرجة انا مش استسلمت و بداءت اعمل انشطة سموها عندنا مخالفة للعادات و التقاليد و الاعراف بس عملتها زى مثلا (icebreaking party _ debating _ Cultural festival )
حاجات زى كدة فى الاول كانت بتقابل بالرفض و مينفعش و كدة و اتنازلت عن اجزاء من الافكار علشان تتقالم نوعا ما معاهم لكن المهم انها اتعملت و بداءت الطلاب و المسئولين ياخدوا عليها ……
الزتونة …
المهم فى الموضوع دة بقى كلوا كدة ان انت مش تستلم للموعقات الى قدامك لا لازم لازم تقاوم و توصل هدفك اكيد هتلاقى الى تحمسك ليك و يساعدك ..لا كمان يبقى متحمس اكتر منك و يخليك تحب الكلية زى كدة الى انا لقيتهم (هدير و حسام و معتز و حليم و شريف و غيرهم كتير …)
لازم تلاقى سبب يخليك تتعامل فى الكلية الجامعة غير ما كنت بتتعامل قبلهم لازم تطور من طريقة التعليم و الانشطة و التعامل لازم تكون مختلف لازم تكون رائد بجد ……
Abdo Magdy
Founder at Egypreneur
